القراءه موش للجميع
يعنى ايه البلد تصرف 12 مليون جنيه على الدعايه للمشروع هو ده معناه ايه فى بلد فيها 2 او 3 مليون طفل عايشيتن ف الشوارع؟
طب حد يقولى لمين الاولويه دلوقتى تعيش الناس والا تقريهم وهمااصلا مدخلوش مدارس ولا شافوا تعليم دا طبعا تفرقه فى التعامل بين ابناء البلد الواحده وكمان عدم رؤيه للاولويات اللى المفروض نحطها فى خططنا الخمسيه الكتيره موش كده والا ايه؟
وبعدين كده الكلام بيكتر ع الناس اللى شغالين ف الدعايه للمشروع وبيتقال عليهم حجات وحشه اظن ان احنا دلوقت كلنا -اعنى هنا القراء-بنجرى ع النت وده مبيلغيش دور الكتاب ولا حاجه ولكن ليه منعملش مكتبات الكترونيه تابعه للمشروع بدل ما عمالين نتحايل على الكل عشان يشترى كتب
دى دعوه للسيده-الفاضله-سوزان مبارك-عشا ن توجه الجهود للبحث فى جدية المشروع الالكترونى للقراء 
وبعدين من ناحيه تانيه الشباب النهارده معندوش وقت يقرا لانه اما بيشتغل ومهدود حيله ف العاشر بعد سنين التعليم بلا فائده او انه بيتعلم وزهقان من شكل الكتب ولانه لا يقرا الا من يعرف قيمه القراءه فقط هو من يشترى الكتب وهو مستعد يصرف عليها لكن حكايه القراءه فى الزمن ده لازم يعاد النظر فيها من حيث اولويات الحكومه الاول اكلوا الماس وعلموهم تعليم محترم وبعدين قولولهم اقعدوا اقروا يا حلوين
