اتق الله يا شيخ الأزهر
افتى شيخ الازهر العظيم -الازهر وليس الشخ-بانه يجوز جلد من ينشر اخبارا او اشاعات كاذبه من الصحفيين 
يا رااااجل اتق الله دا اللى بيتجلد هو اللى بيقصف المحصنات من المؤمنات وحتى لو فى جلد للانسان المسلم عشان ترويجه لاشاعت فانا لا اعتقد ان تعبير الصحفى عن افكار وحواديت الناس ودمجها فى مقالاته تعد قصفا خاصه لعدم توافر اامواد المتفجره والمقاتلات والصواريخ
وبعد ما عمل مصيبته وفضح نفسه امام الجميع ظهر على قناة المحور فى حوار خاص ليدافع عن نفسه ولكنه جه يكحلها عماها فعلا
اولا كرر كلمة انا كتير جدا بفخر وحماسه فى الحوار وهذا لا يناسب شخصه كقدوه للمجتمع
ثانيا حكى قصه مفادها ان صحفى شتمه وهو فى مكتبه فما كان منه الا ان قام بطرده وهو اى شيخ الازهر يعترف ويقر بهذا بئس الائمه انت يا رجل
ثالثا وهو بيتكلم فى الحوار قال ان الصحفيين بيقولوا اعزلوه وكان رده انه بيقول يعزلنى ازاى هو انا جاى من بيت ابوه؟ ولااااااااااااااا تعليق
رابعا بيقول ماليش فى السياسه رغم ان ائمه المسلمين جميعا لهم وبيقولوا رايهم فى قرارت الامه والرسول كان بيسمح للجميع انه يقول رأيه
خامسا بيقولك فى الحوار برده وهو بيحكى عن نفسه ده تاريخى وعندى 3 كتب كمان موش مكسوف وهو بيقولها بص للقرضاوى عنده كام كتاب وغيره من بحور العلم والفضيله التى تنفعنا ونقر بهم كعلماء ومعلمين
مافيش قانون معلومات يضمن حق الصحفى فى استقاء المعلومات يبقى كل شىء اشاعه فى معلومانهم
